點擊上圖可看更多照片
/ 台灣大地文教基金會
2016-06-01
時間：2016年05月28日
地點：台灣聖山－生態教育園區
台獨啟蒙者廖文毅揭碑典禮暨追思大會－西螺基督長老教會杜謙遜牧師致證道詞：
地點：台灣聖山－生態教育園區
台獨啟蒙者廖文毅揭碑典禮暨追思大會－西螺基督長老教會杜謙遜牧師致證道詞：
（文稿由杜謙遜牧師提供）
台灣大地文教基金會楊董事長、諸位貴賓以及咱台灣國兄弟姊妹大家平安：
1998年小弟應聘到西螺基督長老教會擔任這間教會牧師，tī-le整理西螺教會的歷史，發現西螺教會及廖文毅博士家族有真長期密切的連結，也得著廖文毅博士管家林奉恩先生的信任，開始陸陸續續整理這部份的歷史資料。後來發生廖文毅博士家族墓園受迫拾骨遷葬的事件，雖然到路尾墓園hō 當時國民黨鎮公所硬摃掉破壞，無法度完整保留或是擇地原貌遷葬，毋過這個事件也有吸引海內外bōe少人關心注目，過程中我也有寫幾篇關係廖文毅博士家族的文章khǹg tī林文華先生經營的《海洋台灣》網站。也因為這個緣份，今仔日受請託來咱台灣聖山主持這個追思會做講道。
既然是講道的時間，代先先來聽讀一段的聖經經文：
希伯來書11章23-27節
23)對信，摩西出世以後，伊的父母看著嬰仔清秀，m̄驚王的命令，將伊藏三月日久。
24)對信，摩西長大以後，拒絕人給伊稱做埃及公主的子，
25)較愛及上帝的百姓同受苦難，無愛享受罪中一時仔久的快樂。
26)伊看為著基督受凌辱比埃及的財寶較寶貴，因為伊仰望將來的報賞。
27)對信，摩西m̄驚王的受氣離開埃及；伊堅持到底，因為伊有看見人看bōe著的上帝。
這段經文講著chhōa以色列人祖先出埃及的民族英雄摩西，伊原底有機會進入埃及王宮成做統治階層的王公貴族，tī上流社會享受榮華富貴，m̄過伊卻選擇認同伊所出身的希伯來族群，in是受苦的奴隸。摩西致力tī爭取家己的希伯來民族獨立出頭天，建立一個信靠上帝，遵守上帝誡命，敬畏上帝重視普視人權價值的新國家建國運動。摩西所選擇的一直是一條孤單寂寞的信仰道路，tiāⁿ-tiāⁿ受伊同胞的質疑及背叛，總是伊堅持到底，m̄若完成出埃及任務，也成做會當及上帝面對面講話的朋友(申命記33.11)，伊也是人類歷史最受人尊敬的英雄偉人之一。
當咱teh紀念追思廖文毅博士及in家族的貢獻，in也有繼承部分信仰偉人摩西的特質：
1.In無貪戀榮華富貴，熱心公益：
廖文毅博士的老父廖承丕先生雖然白手起家田園千甲家財萬貫，m̄ 過真熱心地方公益代誌，伊擔任過日治時代早期西螺街長，對西螺街早期的建設發展真有貢獻。In夫婦也對基督教福音的傳揚及為教會出錢、出力、出地，就算真無閒的中間也受選擔任教會的長執，關心教務的進展。Chit款的熱心公益也表現佇in的序細廖文毅兄弟家族無怨無悔為228事件善處走chông，以及為台獨運動散盡家伙受掠受難嘛甘願的決志。這及摩西甘願放棄埃及王子的尊貴身份以及榮華富貴的享受，認同苦難中的希伯來同胞，救in出埃及做家己命運的主人有真密切的類似。
2.In是重視現代化教育，koh有國際觀的台獨家族：
廖承丕先生本身有漢學底，伊的夫人陳明鏡女士是長榮女中第一批的畢業生，in tī教會受基督教思想影響深遠，所以極注重子女受高等教育栽培的要緊性。一方面牽成小弟出國留學，一方面也栽培孝生出國讀冊，查某子也攏完成高等教育出業，家族2代出7位博士，當時獨冠全台。總是真趣味的代誌是廖承丕先生竟然一生m̄-bat 出國或是去過日本本土，m̄過伊的教育投資真有現代化及國際化的眼光，真精準。
廖文毅博士兄弟結合in的家族，kióng beh將台獨運動變成做是家族事業 teh經營這也是真無簡單的代誌。摩西的家族也是希伯來人出埃及事件的要角，摩西的父母反抗法老屠殺男嬰的惡法，私藏嬰仔摩西，後來摩西的兄哥亞倫做伊的發言人，阿姊米立暗做伊的文宣部長，全家投入以色列人獨立建國的運動中，廖文毅博士家族tī這點也及摩西家族真sio-siâng。
當然，也有人講:「台灣獨立的主張tī 228事件發生的前後期間就已經有人有chit khoán的想法，台獨也是必然的歷史走向。」這是確實的，m̄ 過廖文毅、廖文魁兄弟的貢獻及歷史定位，是in上代先將台獨變成做一種有組織性的政治行動及思想理論，koh拍拚去實踐成做台獨運動的先鋒者，有不可抹滅的歷史價值及意義。
3.廖文毅博士家族背後最大的台獨運動動力：基督教信仰
摩西chhōa希伯來人出埃及從事獨立建國運動的原動力，起初只是伊的青春熱情，滿腹熱血，直到伊tú著tī曠野莿phè內對伊顯現「焚而不燬」的上帝出聲呼召伊，以後伊就成做這個獨立運動的chhōa 頭者、到路尾接棒hō約書亞。
廖文毅博士家族是虔誠的基督教長老教會信徒，基督教信仰早就內化成做是in的生活及生命的靈魂原素，也成做in用長老教會主要信仰精神「焚而不燬」的信念來從事台獨運動的主要精神動力。雖然推動台獨的人無tú-tú是長老教會的人，長老教會的人也無全部是台獨運動的支持者，總是長老教會teh強調的「hō世界成做上帝國」、「焚而不燬」的信念也促使bōe少長老教會基督徒獻身投入關懷社會的志業，包括關心人權及民主政治的信仰實踐，其中台灣獨立建國運動就成做必然的選項。無論是早期的台獨運動者或是後來陸陸續續的台獨運動的參與者，確實有bōe少長老教會基督徒積極投入。就這點，研究廖文毅博士家族的政治參與史的有志者，也應該將這做深入研究的方向。
最後，廖文毅博士也m̄ 是完美的人，伊所領導的台灣共和國臨時政府也m̄ 是非常成功，也有伊種種缺點。基督教只有信仰一位獨一真神，台灣聖山提倡拜台灣先烈做台灣神，雖然及基督教敬神的形式無仝，m̄ 過值得尊敬的台灣先烈，in的忠烈事蹟及精神也是goán著感念koh學習的好典範。願上主施恩幫助咱台灣早日實現獨立建國的祈願。
咱來向上帝祈禱：
主上帝阮感謝祢hō 阮今仔日聚集tī chia，紀念追思廖文毅博士家族in怎樣發起台灣獨立建國運動，激發多多海內外台灣人覺醒無惜性命遍地開花投入關心台灣的民主化過程，taⁿ goán 已經成功結束中國國民黨政權統治台灣的時刻，也願主賞賜蔡英文總統政府會當落實轉型正義，建設台灣早日成做祢所歡喜獨立自由民主繁榮的新國家。 Goán 按呢祈禱懇求是奉主耶穌基督的名 阿們。
1998年小弟應聘到西螺基督長老教會擔任這間教會牧師，tī-le整理西螺教會的歷史，發現西螺教會及廖文毅博士家族有真長期密切的連結，也得著廖文毅博士管家林奉恩先生的信任，開始陸陸續續整理這部份的歷史資料。後來發生廖文毅博士家族墓園受迫拾骨遷葬的事件，雖然到路尾墓園hō 當時國民黨鎮公所硬摃掉破壞，無法度完整保留或是擇地原貌遷葬，毋過這個事件也有吸引海內外bōe少人關心注目，過程中我也有寫幾篇關係廖文毅博士家族的文章khǹg tī林文華先生經營的《海洋台灣》網站。也因為這個緣份，今仔日受請託來咱台灣聖山主持這個追思會做講道。
既然是講道的時間，代先先來聽讀一段的聖經經文：
希伯來書11章23-27節
23)對信，摩西出世以後，伊的父母看著嬰仔清秀，m̄驚王的命令，將伊藏三月日久。
24)對信，摩西長大以後，拒絕人給伊稱做埃及公主的子，
25)較愛及上帝的百姓同受苦難，無愛享受罪中一時仔久的快樂。
26)伊看為著基督受凌辱比埃及的財寶較寶貴，因為伊仰望將來的報賞。
27)對信，摩西m̄驚王的受氣離開埃及；伊堅持到底，因為伊有看見人看bōe著的上帝。
這段經文講著chhōa以色列人祖先出埃及的民族英雄摩西，伊原底有機會進入埃及王宮成做統治階層的王公貴族，tī上流社會享受榮華富貴，m̄過伊卻選擇認同伊所出身的希伯來族群，in是受苦的奴隸。摩西致力tī爭取家己的希伯來民族獨立出頭天，建立一個信靠上帝，遵守上帝誡命，敬畏上帝重視普視人權價值的新國家建國運動。摩西所選擇的一直是一條孤單寂寞的信仰道路，tiāⁿ-tiāⁿ受伊同胞的質疑及背叛，總是伊堅持到底，m̄若完成出埃及任務，也成做會當及上帝面對面講話的朋友(申命記33.11)，伊也是人類歷史最受人尊敬的英雄偉人之一。
當咱teh紀念追思廖文毅博士及in家族的貢獻，in也有繼承部分信仰偉人摩西的特質：
1.In無貪戀榮華富貴，熱心公益：
廖文毅博士的老父廖承丕先生雖然白手起家田園千甲家財萬貫，m̄ 過真熱心地方公益代誌，伊擔任過日治時代早期西螺街長，對西螺街早期的建設發展真有貢獻。In夫婦也對基督教福音的傳揚及為教會出錢、出力、出地，就算真無閒的中間也受選擔任教會的長執，關心教務的進展。Chit款的熱心公益也表現佇in的序細廖文毅兄弟家族無怨無悔為228事件善處走chông，以及為台獨運動散盡家伙受掠受難嘛甘願的決志。這及摩西甘願放棄埃及王子的尊貴身份以及榮華富貴的享受，認同苦難中的希伯來同胞，救in出埃及做家己命運的主人有真密切的類似。
2.In是重視現代化教育，koh有國際觀的台獨家族：
廖承丕先生本身有漢學底，伊的夫人陳明鏡女士是長榮女中第一批的畢業生，in tī教會受基督教思想影響深遠，所以極注重子女受高等教育栽培的要緊性。一方面牽成小弟出國留學，一方面也栽培孝生出國讀冊，查某子也攏完成高等教育出業，家族2代出7位博士，當時獨冠全台。總是真趣味的代誌是廖承丕先生竟然一生m̄-bat 出國或是去過日本本土，m̄過伊的教育投資真有現代化及國際化的眼光，真精準。
廖文毅博士兄弟結合in的家族，kióng beh將台獨運動變成做是家族事業 teh經營這也是真無簡單的代誌。摩西的家族也是希伯來人出埃及事件的要角，摩西的父母反抗法老屠殺男嬰的惡法，私藏嬰仔摩西，後來摩西的兄哥亞倫做伊的發言人，阿姊米立暗做伊的文宣部長，全家投入以色列人獨立建國的運動中，廖文毅博士家族tī這點也及摩西家族真sio-siâng。
當然，也有人講:「台灣獨立的主張tī 228事件發生的前後期間就已經有人有chit khoán的想法，台獨也是必然的歷史走向。」這是確實的，m̄ 過廖文毅、廖文魁兄弟的貢獻及歷史定位，是in上代先將台獨變成做一種有組織性的政治行動及思想理論，koh拍拚去實踐成做台獨運動的先鋒者，有不可抹滅的歷史價值及意義。
3.廖文毅博士家族背後最大的台獨運動動力：基督教信仰
摩西chhōa希伯來人出埃及從事獨立建國運動的原動力，起初只是伊的青春熱情，滿腹熱血，直到伊tú著tī曠野莿phè內對伊顯現「焚而不燬」的上帝出聲呼召伊，以後伊就成做這個獨立運動的chhōa 頭者、到路尾接棒hō約書亞。
廖文毅博士家族是虔誠的基督教長老教會信徒，基督教信仰早就內化成做是in的生活及生命的靈魂原素，也成做in用長老教會主要信仰精神「焚而不燬」的信念來從事台獨運動的主要精神動力。雖然推動台獨的人無tú-tú是長老教會的人，長老教會的人也無全部是台獨運動的支持者，總是長老教會teh強調的「hō世界成做上帝國」、「焚而不燬」的信念也促使bōe少長老教會基督徒獻身投入關懷社會的志業，包括關心人權及民主政治的信仰實踐，其中台灣獨立建國運動就成做必然的選項。無論是早期的台獨運動者或是後來陸陸續續的台獨運動的參與者，確實有bōe少長老教會基督徒積極投入。就這點，研究廖文毅博士家族的政治參與史的有志者，也應該將這做深入研究的方向。
最後，廖文毅博士也m̄ 是完美的人，伊所領導的台灣共和國臨時政府也m̄ 是非常成功，也有伊種種缺點。基督教只有信仰一位獨一真神，台灣聖山提倡拜台灣先烈做台灣神，雖然及基督教敬神的形式無仝，m̄ 過值得尊敬的台灣先烈，in的忠烈事蹟及精神也是goán著感念koh學習的好典範。願上主施恩幫助咱台灣早日實現獨立建國的祈願。
咱來向上帝祈禱：
主上帝阮感謝祢hō 阮今仔日聚集tī chia，紀念追思廖文毅博士家族in怎樣發起台灣獨立建國運動，激發多多海內外台灣人覺醒無惜性命遍地開花投入關心台灣的民主化過程，taⁿ goán 已經成功結束中國國民黨政權統治台灣的時刻，也願主賞賜蔡英文總統政府會當落實轉型正義，建設台灣早日成做祢所歡喜獨立自由民主繁榮的新國家。 Goán 按呢祈禱懇求是奉主耶穌基督的名 阿們。
沒有留言:
張貼留言